Nilinaw kan Philippine Coast Guard na bako pag-atras sa Escoda Shoal an ginibong pagbalik kan BRP Teresa Magbanua sa Palawan.
Segun ki PCG Commandant Admiral Ronnie Gil Gavan na an ginibong lakdang an huli sa maraot na panahon asin pagkaubos kan suplay.
Sinabi kan opiyal na imamantenir an presensya sa gabos na exclusive economic zones kaibanan na an Escoda Shoal.
Marurumduman na an BRP Teresa Magbanua an nagsapar man nin mga danyos makalihis na banggaon kan mga barko kan China Coast Guard.
Nagkapira man sa mga miyembro kaini an naireport na nagkagelang na na tulos man na piglapatan nin medikal na atensyon.
Enot na man na sinabi ni BRP Teresa Magbanua commanding officer, Lieutenant Commander Efren Duran Jr. na maski tubig an nabususan na sinda kaya igwang mga personahe an nagsapar nin dehydration.
