LEGAZPI CITY — Kumpiyansa an binilog na Consultative Committee (ConCom) ni Presidente Rodrigo Duterte sa dakulang ambag sa sistema kan politika, panggogobierno asin ekonomiya kan nacion an “update” kan Konstitusyon kan Pilipinas.
Ipigheras ni ConCom Commissioner Susan Ubalde-Ordinario sa ekslusibong intrevista kan Bombo Radyo Legazpi na kaibanan an pagsakat kan lebel kan political playing field, pagbabantay sa monopolya sa ekonomiya, pagpaparikas kan delivery of justice asin decentralization of government sa paagi kan federalismo an apat na importanteng bagay na resulta kan pagkrear kaini.
Inasegurar man ni Ordinario na dawa dakol an binago sa nasabing draft charter katakod kan 1987 Constitution, dakol man giraray an mga provicion na ni-retain.
Dugang pa kan commissioner na ipigbase an laog kan draft charter sa mga pangangipo kan nagbabago man na mga pangangaipo kaibanan na an mga leksyon na naaadalan, nagunong eksperyensya asin mga pagkukulang na kinakaipuhang pakusugon makalihis an 32 na taon.
Mientras tanto, piglalaomang naisumiter na an draft charter ki Presidente Duterte ngonian na hapon.
