LEGAZPI CITY—Ikinaogma kan sarong grupo nin mga paratukdo an inaprubaran na 2023 Performance-Based Bonus para sa qualified teaching asin non-teaching personnel kan Department of Education (DepEd).
Segun ki Alliance of Concerned Teachers National Chairperson Ruby Ana Bernardo, sa intrevista kan Bombo Radyo Legazpi, haloy nang pangapudan kan mga paratukdo asin enot nindang ipinaglaban an eligibility kan DepEd sa pagkakaigwa nin siring na benepisyo.
Segun ki Bernardo na an DepEd an saro sa pinakadificil na paagi ngani na makua an performance-bases bonus huli sa kadakol na rekisitos sa irarom kan Results-Based Performance Management System.
Saindang ipig-welcome an nasabing progreso huli na man sa saindang mga ikundusir nin serye nin mga pag-uulay asin deserve ini kan mga paratukdo.
Alagad pigtawan-duon man kan grupo na nagtetenir sindang vigilante asin dae mapundo sa pangapudan sagkod na dae mapapasakamot kan mga paratukdo an nasabing benepisyo.
