LEGAZPI CITY- Pighihiling na ‘next to impossible’ kan nagkapirang lehislador na maipasar pa antes na matapos an 17th Congress an nakalusot nang inamyendaran na federal charter sa Kamara.
Sa intrevista kan Bombo Radyo Legazpi ki Ako Bicol Partylist Representative Alfredo Garbin Jr., kinakaipuhan na magkaigwa muna nin aktibong partisipasyon kan Senado na garing malabsay suboot an ipigtataong atensyon sa ipigpoproponir na proseso.
Dugang pa ni Garbin na hasta Disyembre 12 na sana an legislative calendar mantang ma-resume sa Enero 14 asin ma-adjourn sa Pebrero 7 para sa national campaign.
Ipig-eksplikar man kan kongresista na magkakaigwa nin dugang na layer kan gobierno susog sa ipigpoproponir na political setup para sa regional state government na pamamayuhan kan regional governor.
Katakod kaini, mapasar man nin sadiring ley sa pagbubuwis asin panggogobierno asin maelihir nin mga regional legislators.
