Inaprubaran na kan Kamara de Representante an P6.352-trillion national budget para sa taong 2025.
Ini sarong aldaw makalihis na sertipikahan ini ni Presidente Ferdinand Marcos Jr. bilang urgent.
Nasa 285 na mga kongresista an nag-boto na pabor sa House Bill 10800 o An Act Appropriating Funds for the Operation of the Government of the Republic of the Philippines.
Igwa man na tulong kongresista an nagboto na kontra sa nasabing propuestong ley.
Pinasalamatan man ni House Speaker Ferdinand Romualdez an mga kapwa lehislador huli sa pagpasar kan nasabing pondo.
Pigduon kaini na importante an nasabing budget ngani na mapondohan an mga pangenot na proyekto kan gobierno siring kan imprastraktura, human asin social development, environmental protection, technological innovations asin sustainable development.
