Ibinaba kan Department of Agriculture (DA) an maximum suggested retail price (MSRP) kan imported na bagas sa P55 kada kilo poon sa Pebrero 5, hale sa dating P58 pero kilo.
Segun kay DA Assistant Secretary Arnel de Mesa, sa Metro Manila muna ipapaotob an bagong MSRP bago ipaotob nationwide sa Pebrero 15.
Target kan ahensya na pababaon pa ini sa P52 kada kilo pagsapit kan katahawan kan Pebrero, asin sa P49 kada kilo sa katapusan kan bulan.
An lakdang na ini an tugon sa pagbaba kan world market price kan bagas asin pagbaba kan taripa hale 35% pasiring 15% hasta 2028, alinsunod na man sa Executive Order 62 ni Presidente Ferdinand Marcos Jr.
Pigtaram man ni Agriculture Secretary Francisco Tiu Laurel na magsasagibo an DA nin bulanang pagsusuri sa MSRP nganing masyerto na makikinabang an mga konsyumer sa mas hibabang presyo.
Pig-enganyar man kaini an mga nagtitienda na sunudon an nakatalaang MSRP nganing malikayan an posibleng pagbayolar asin padusa.
 has lowered the maximum suggested retail price (MSRP) of imported rice to P55 per kilo starting February 5, from the previous P58 per kilo.){kind=link}