Mababakal na man sa mga Kadiwa Centers an P20 kada kilo nin bagas puon sa Biyernes, Mayo 2.
Segun ki Agriculture Secretary Francisco Tiu Laurel, mapabakal an Department of Agriculture nin de-kalidad na NFA rice sa kantidad na P20 kada kilo sa mga Kadiwa stores.
Bukas sana ini para sa vulnerable sector siring kan indigents, senior citizens, solo parents asin persons with disabilities kun saen an kada benepisyaryo an pwedesir makabakal nin sagkod 30 kilos na bagas kada bulan.
Pwedesir man na buksan an bentahan sa gabos na residente sa sampulong lokal na gobierno na nakibahagi man sa inisyatiba kan Visayas governors siring kan San Juan sa Metro Manila, San Jose del Monte, Bulacan, Camarines Sur, asin Mati City sa Davao Oriental.
Basado sa monitoring kan Department of Agriculture, nasa P39.99 sagkod P58.17 an bentahan kan kada kilos nin bagas sa Metro Manila.
