Pigbubusol sa Senado an propwestong tawan kan gobyerno nin bulanang P1,000 allowance an mga estudyante.
Kun magin ley an “National Student Allowance Program (NSAP) Act” ni Sen. Loren Legarda, itatao an allowance sa gabos nin naka-enroll na estudyanteng Pilipino na nakakua nin minimum attendance requirements nganing pandugang sa gastuson siring kan pagkaon, pamasahe asin school supplies.
Ipapadara an allowance sa paagi nin student cards o digital vouchers na pwedesir gamiton sa accredited vendors siring kan school canteen, transport providers asin school supply retailers.
Sinabi ni Legarda na an nasabing mekanismo an masierto na an allowance an magagamit para sa edukasyon kan estudyante asin mapahalangkaw an school attendance asin mapamarhay an saindang academic performance.
Nilinaw man ni Legarda na an nasabing allowance an para sana sa mga “school-related expenses.”
