LEGAZPI CITY- Padagos an agrangay kan grupo nin transportasyon sa dakulang epekto sa saindang kabuhayan kan padagos na paglanglaw kan presyo kan produktong petrolyo.
Segun ki Pagkakaisa ng mga Samahan ng Tsuper at Opereytor Nationwide President Mody Floranda sa intrevista kan Bombo Radyo Legazpi na matinding pagtios an naeeksperyensyahan ngunyan kan nasabing sektor.
Katunayan, haros nasa P120 suboot kada aldaw an nawawara sa ganansya kan mga drivers huli sa dakulang gastos sa krudo.
Huli digdi, nangapudan an opisyal na magkaigwa nin malinaw na kasimbagan an gobierno sa presenteng sitwasyon na nagpapadifisil sa mga namamanwaan.
Aminado si Floranda na alagad nakakatabang an programa kan gobierno na pagtatao nin fuel subsidy, mas marhay kun tututukan an pagsuspinde sa pagpapataw nin buwis sa langis ngani na mas dakol na mga Pilipino an makinabang.
Dagdag pa kaini na dapat na magpaluwas si Presidente Ferdinand Marcos Jr. in Executive Order na magsusupinder sa excise tax sa langis.
