LEGAZPI CITY-Tinawanan nin pigkakarkulong labi sa P112.9 billion an Pantawid Pamilyang Pilipino Program (4ps) sa irarom kan panukalang 2026 national budget.
Alagad warang alokasyon para sa Ayuda sa Kapos ang Kita Program o AKAP sa irarom kan 2026 National Expenditure Program o NEP.
Kinumpirma ini mismo ni Budget Secretary Amenah Pangandaman.
An AKAP an ipigtatao sa mga minimum-wage earners kung sain nagkaigwa in nin kontrobersiya huli sa pagtao kan alokasyon sa 2025 national budget na igwang kantidad na P26 billion.
Sinabi ni Pangandaman na igwa pang natatadang pondo sa 2025 national budget para digdi asin limitado man suboot an fiscal space kaya dai muna kairiba an AKAP sa matatawanan nin pondo.
Ipinaliwanag man kan kalihim na nasa labi 10-trilyon pesos an orihinal asin kabilugang kantidad an budget proposals hale sa mga ahensya alagad dai gabos natawanan.
Sinabi man ni House Committee on Appropriations Chairperson Mikaela Suansing na dai napag-orolayan sa Kamara an AKAP alagad magbabase suboot sinda sa isinumiteng National Expenditure Program.
Dinepensahan man ni Suansing ag AKAP asin sinabing nakatabang ini sa mga namamanwaan orog na sa mga dai naaabot kan Assistance to Individuals in Crisis Situations o AICS asin minimum wage earners.
Sa Budget message ni President Marcos, an TUPAD o Tulong Panghanapbuhay sa Ating Disadvantage Workers Program an tinawanan man nin alokasyon na P11 billion mantang an Department of Labor and Employment Integrated Livelihood Program makakatanggap man nin P2.2 billion na budget.
Depensa kan Presidente na an pondong itinalaga sa 4Ps an makakatabang sa pagtatao nin dekalidad huli sa nasa 4.4 million na mga marginalized household beneficiaries.
Kairiba man sa mga tabang na ipapanao an cash grants, rice subsidy, asin cash grants para sa first 1000-day health monitoring sa pregnancy hasta magin duwang taon an saindang mga aki.
