LEGAZPI CITY — Nagpapadagos an pagtabang kan Overseas Workers Welfare Administration (OWWA) sa nga Bicolanang OFW na nangangaipo nin tabang.
Katakod kaini, pighayag man ni OWWA Regional Director Reynaldo Tayag na hasta sa ngunyan an nagpapadagos pa man an pagtatao nin asistensya kan ahensya sa pamilya kan mga OFW na nabiktima kan bagyong Nina maski pa pirang bulan na an nakakalihis kan manrapado an bagyo sa rehiyon.
Segun sa opisyal, dae pa natatapos an saindang food packs distribution.
Mientrastanto, inako man kan bagong tkaw na opisyal na pinili niya na madestino sa Bicol Region huli ta challenging digdi huli sa pirmihan na pagtama nin mga bagyo.
Naugma man an opisyal na tulos na inaprubaran kan board an pondo na P95 million para sa mga OFW families kun sain pigkakarkulong maabot sa 63, 000 an apektado sa Kabikolan.
An kada pamilya an igwang nakatagama na P1,000 worth nin mga basic goods alagad naghagad nin dispensa an opisyal na dae suboot kakayanon na matawanan an gabos huli ta kukulango sa pondo.
Pig-orgulyo man kaini an panibagong tabang na pigtatao kan ahensya kun sain igwa nang ipig-tatangro na education and livelihood assisstance sa pamilya kan mga OFW.
Sa ibong na lado, nangapudan man an opisyal sa pakikipagtabangan kan mga LGUs ngani na tulos na matawanan nin tabang an mga ini urog na an mga nasa death row sa ibang nasyon.
