LEGAZPI CITY – Nanindugan an opisyales kan Barangay Tagaytay, Camalig, Albay na dae pa natatapos an mga ipigtugdok na mga flood control projects sa saindang lugar.
Alagad segun ki Punong Barangay Tessie Nocete sa intrevista kan Bombo Radyo Legazpi na dae ninda madeterminar kun arin sa mga ini an nakabugtak sa sumbong sa pangulo website huli ta an ibang proyekto an dae man nakoordinar sa saindang konseho.
Basado man sa saindang monitoring nahiling man ninda na magayon an pakaka-konstruhir kan ibang proyekto alagad sa saindang pakikipag-oaly sa saindang residentes an nagsasabi na mga ini an gibo sa substandard materials an ibang proyekto.
Paghistroya niya man na may naenot na ipigkonstruhir na mga flood control projects sa saindang barangay alagad wara pa suboot na nag-aagi na mga kalamidad an marikas na naraot an mga ini.
Pigtaram pa kan opisyal na mawot ninda nin maray na pakakagibo kan mga proyekto huli ta permihan nindang pigpoproblema an pagbabaha tuyong nagkakaigwa nin makukusog na pag-uuran.
Abiso niya sa mga residentes dae magduwang isip na makipagkoordinar sa saindang konseho mapadapit sa mga ipigtugdok na mga flood control projects sa saindang lugar nganing ma-imbestigaran ini asin matawan nin magkakanigong aksyon.
Pagdoon ni Nocete na nakatalaan niyang ka-olayon an contractor kan naunambitang proyekto nganing aramon kun arin sa mga ini an nakabugtak sa Sumbong sa Pangulo website na “completed” na suboot.
