Pinatanidan ni House Senior Deputy Minority Leader asin Caloocan City Rep. Edgar Erice an publiko mapadapit sa bilyun-bilyong pisong unprogrammed appropriations na nakapalpob sa propwestong 2026 national budget.
Segun saiya, may haros P243 bilyon na unprogrammed funds na pwedesir gastuson nin warang malinaw na pinagkuwaan nin ganansya, bagay na inapod niyang labag sa Konstitusyon.
Nagpatabid si Erice na kun dae ini iVe-veto ni Presidente Ferdinand Marcos Jr. masunad siya nin petisyon sa Korte Suprema nganing kuwestiyunon an legalidad kan mga nasabing probisyon.
Nakatalaang pirmahan ni Marcos ngunyan na aldaw, Enero 5, an P6.793 trilyong pambansang pondo na pinakadakula sa historya kan nacion.
Mientrastanto susog sa People’s Budget Coalition, may nasa labing P633 bilyon na pork items sa badyet na posibleng magamit sa patronage politics asin katiwalian.
Huli sa dae naihabol an pagpirma bago matapos an 2025, nagkaigwa nin reenacted budget sa mga naenot na aldaw kan 2026 mantang pighahalat an pirma kan Presidente.
Sa ibong kan mga patanid, ipigdoon kan administrasyon na an bagon pondo an matao nin suporta sa imprastruktura, serbisyong panlipunan asin nga programang pangkauswagan para sa namamanwaan.
