LEGAZPI CITY-Arestado an sarong babae na pigtutubudang nagpapabakal nin iligal na abortion pills sa online.
Nadakop an suspechado sa entrapment operation na isinagibo kan National Bureau of Investigation (NBI).
Segun sa NBI, warang lisensya o otoridad an suspechado sa pagpabakal nin mga produkto nin bulong.
Huli sa sarong tip, an mga undercover na ahente nag-order nin “do-it-yourself” na abortion kit hale sa suspechado, na ipinadara sa Makati sa Maynila asin makalihis na mabayadan na, inaresto siya kan mga operatiba.
Nakumpiskar an kit igwa nin mga tabletas sa aborsyon na may nakasurat na mga instruksyon para sa paggamit na warang supervison.
Nagpatanid man an Food and Drug Administration (FDA) sa publiko mapadapit sa paggamit kan siring na mga bakong reguladong bulong.
Mahahampang an suspechado sa kasong pagbayolar kan Food and Drug Administration (FDA) Law, Cybercrime Prevention Act, asin Pharmacy Law.
Nangapudan man an mga otoridad sa publiko na likayan an pagbakal nin abortion pills o anuman na daing regulasyon na bulong sa online.
