LEGAZPI CITY-Tinawan doon kan Office of the Ombudsman na wara nin lugar an kulturang ‘utang na loob’ sa mga opisyales kan gobierno o mga pampublikong ofisina.
Sa pinaluwas na pahayag kan public defender, makusog nindang pinagirumdom na mas importante an responsibilidad sa banwaan kaysa sa pagpahiling nin pasasalamat sa sisay man na ‘donor’ kan sarong public servant.
Alagad, pigmidbid man giraray ninda an kaugalian kan mga Pilipino na ‘utang na loob’.
Orog na kun ini sa pag-ultanan kan mga kapamilya, mga amiga o amigo asin mga kabisto, bilang paagi nin pagpapahiling nin pasasalamat asin pag-apresyar.
Nabanggit an kaugaliang Pilipino makalihis kasuhan na kan Ombudsman si Senador Rodante Marcoleta, dating Anakalusugan Partylist Rep. Mike Defensor asin nagkapira pang indibidwal.
Nahahampang an mga ini sa kasong ‘plunder’ asin pagbalgar sa ‘Presidential Decree No. 46’ o an pagbabawal sa mga opisyal kan gobierno na magresibe nin regalo.
Nag-ugat an mga kaso matapos akoon mismo ni Senador Marcoleta an suboot pagresibe niya nin ‘campaign donations’.
Segun sa Ombudsman, huli kan mangatwiran an mambabatas na igwang ‘utang na loob’ sa nadiskubreng maabot sa 75-milyon piso kantidad na donasyon, ini suboot an rasonkun nata isinurat an mga ley kontra ‘plunder’ asin ‘bribery’.
