LEGAZPI CITY-Pighahanda na kan Office of the Ombudsman an pagsasagibo kan mas hararom na pagbusisi mapadapit sa mga naiturn-over na kompyuter asin dokumento kan namaaram na si Department of Public Works and Highways Undersecretary Catalina Cabral.
Segun kay Assistant Ombudsman Atty. Mico F. Clavano, isasairarom sa ‘digital forensic examination’ an Central Processing Unit o C.P.U. na gamit kan dating opisyal.
Kan nakalihis na semana, pigturn over kan Department of Public Works and Highways sa Office of the Ombudsman an mga dokumento asin Kompyuter na kapot kan namaaram na dating spisyal.
Ini kasunot kan pagisyu kan opisina kan kagawaran nin ‘subpoena duces tecum’ na nagsusugo ngani magprodusir kan mga nasabing kagamitan.
Sisiertuhon man suboot kan opisina na magigin bukas o ‘transparent’ an isasagibong pagbusisi.
Makakatuwang man ninda digdi an Commission on Audit o COA, Department of Public Works and Highways, asin Philippine National Police Anti-Cybercrime Group.
