LEGAZPI CITY- Nagluwas sa Tugon ng Masa Survey na mayorya kan mga Pilipino an mawot na mapanimbag an mga korap na opisyal na imbwelto sa kontrobersiya infrastructure projects.
Segun ki OCTA Research Fellow Dr. Guido David sa intrevista kan Bombo Radyo Legazpi na nasa 83% kan respondents an nagsabi na uyon sinda sa nagin desisyon kan administrasyon na isapubliko an mga nangyayaring korapsyon sa nasabing proyekto.
Nagluwas man sa nasabing survey na 68% kan mga respondents an nagmamawot na mapanimbag an mga opisyales na imbwelto sa anomalya.
Nasa 58% man an nagtaram na dapat mabawi an nawarang pondo kan banwaan asin dakol man an nagmamawot na maipakulong an mga mapapatunayan na guilty sa nasabing korapsyon.
Segun ki David na dakol na mga Pilipino an bako na maugma sa nahihiling na kontrobersiya sa flood control projects.
Katunayan, dakulang porsyento kan mga Gen Z an nagpahayag nin pagkadagit sa mga korap na personalidad.
