Huminalangkaw an numero kan mga Pilipinong warang trabaho kan Hulyo kan presenteng taon.
Segun ki Philippine Statistics Authority (PSA) chief USec. Dennis Mapa na gikan sa 1.95 million kan Hunyo, naghalangkaw sa 2.59 million kan Hulyo an mga indibdiwal na edad 15-anyos pataas na warang trabaho.
Nagpapahiling ini kan paghalangkaw kan unemployment rate kan Hulyo sa 5.3% gikan sa 3.7% kan Hunyo.
Nangangahulugan ini na 53 gikan sa 1,000 indibidwal an warang trabaho o kabuhayan sa nasabing panahon.
Ipinaliwanag kan PSA chief na nagkapira sa rason kan pagbaba nin partisipasyon sa labor force o pagbaba kan igwang trabaho an huli sa pagtama kan mga bagyo sa nacion kan bulan nin Hulyo.
Partikularmente na naapektaran digdi an sektor kan agrikultura, construction, fishing asin iba pa.
Mientrastanto, naghalangkaw man an year-on-year unemployment huli sa schooling, household family duties, naghahalat sa saindang pig-aapplyan na trabaho asin sa epekto na man kan maraot na panahon.
