Nag-abot na sa 37 an numero kan mga nagadan sa paglubog kan MV Trisha Kerstin 3 sa Basilan, makalihis marekober an tulong bangkay kan Sabado, Enero 31, segun ki Hadji Muhtamad Mayor Arsina Kahing-Nanoh.
Duwa sa mga ini an lalaki asin sarong babae, na tulos man na dinara kan Philippine Coast Guard sa Zamboanga City.
Gikan sa orihinal na numero na 19, naglangkaw an death toll sa 37 makalihis an pag-recover kan 11 lawas kan Huwebes, apat kan Biyernes, asin tulo kan Sabado.
Sa 37 nagadan apat man giraray an dae pa nabibisto.
Magigiromdomang an barko an naglubog kan Enero 26 mantang pasiring sa Jolo, Sulu gikan Zamboanga City. Labi 300 pasahero an nakaligtas.
Padagos an rescue asin recovery operations mantang pigsierto kan mga awtoridad ang kaligtasan kan mga nakaligtas asin padagos na imbestigasyon sa insidente.
