LEGAZPI CITY — Ibinuyagyag kan Department of Health (DOH) Bicol na naglangkaw an numero kan mga nagpositibo sa human immunodeficiency virus o HIV sa rehiyong Bicol.
Sa intrevista kan Bombo Radyo Legazpi ki DOH-HIV program manager Tessa Encisa, kun ikukumpara kan taong 2016 asin 2017, talagang naglangkaw an kaso kan HIV bako sana sa rehiyon kundi sa bilog na nacion.
Resulta suboot ini kan adbokasiya kan DOH na magpatest an mga indibidwal para sa HIV ngani na maaraman an estado kan mga ini.
Segun ki Encisa, maray an naging resulta huli sa naliwanagan an publiko na mas magayong maaraman an estado urog na igwang treatment hub na nagtatao nin bulong para sa HIV.
Alagad nagdakol, 2 porsyento sana suboot an ipig-contribuir kan Bicol sa kabilugang numero kan HIV cases sa bilog na Pilipinas.
Huli sa nagdadakol na kaso, nagdudugang man segun ki Encisa an social hygiene clinic na nagtatao nin serbisyo para sa free testing alagad tinawang duon kan opisyal na boluntaryo asin dae man pigpipirit an gabos na magpa-test.
Segun pa ki Encisa, posibleng mailipat an HIV sa paagi kan unprotected sex, blood products, asin pwedesir maipasa kan ina sa aki sa paagi kan pagpapadudo.
