LEGAZPI CITY—Natakdag sa kamot kan mga otoridad an number 4 Regional Most Wanted Person kan Bicol na may 4 counts of rape sa banwaan kan San Miguel, Catanduanes.
Segun ki San Miguel MPS COP PMAJ Jonnel Bonguyan, sa intrevista kan Bombo Radyo Legazpi, an suspetsado naarestar susog sa ipinaluwas na mandamiento de aresto siring man sa tabang kan saindang Intel asin ibang unit kan kapulisan.
Napag-araman na an biktima an sadiring aki kan suspetsado asin nangyari an panlulugos puon kan taong 2022 hanggang 2024.
Dugang kan opisyal na gadan na an ina kan biktima kaya sinda na sanang duwa an magkairiba sa harong.
Mientrastanto, an suspetsado nasa kustodiya na kan San Miguel MPS para sa magkakanigong disposisyon.
