LEGAZPI CITY — Nakakulong na an Number 2 City Most Wanted Personality kan Sorsogon na resulta kan matrayumpong operasyon na isinagibo kan mga otoridad.
Sa ipinaabot na impormasyon gikan sa Sorsogon City Police, binisto an nasambitan na wanted na persona na si Anjhoniel Jhyme Jao na akusado sa kasong Rape.
Inarestar si Jao sa paagi kan pinagsararong pwersa kan Sorsogon CPS, Criminal Investigation and Detection Team (CIDT) asin Regional Public Safety Batallion (RPSB) bitbit an mandamiento de aresto na ipinaluwas ni Hon. Judge Maximo Ables kan Regional Trial Court Branch 52.
Nasa kustodiya na ini ngunyan kan CIDT Sorsogon asin pighahanda na an mga magkakanigong dokumento para sa saiyang kaso.
