Dae suboot naraot an nuclear program kan Iran sa isinagibong air strikes kan Estados Unidos, basado sa classified preliminary US intelligence report.
Tinaram kan US media an sinabi kan pirang tawo na may aram sa Defense Intelligence findings na dae naraot an centrifuges o stockpile kan enriched uranium sa Iran sa isinagibong pag-atake kan US kan nakaaging domingo.
Susog sa report, nagresulta an nasabing pag-atake sa pagkakasarado kan laog sa trabaho sa pasilidad na dae man naraot an mga underground building.
Kinumpirmar ni White House Press Secretary Karline Leavitt na totoo an nasabing assessment alagad bako suboot ini tama asin ini an ipigkokonsidera na “top secret” alagad nagluwas pa man sa media.
Pigtawan doon ni Leavitt na an pagluluwas sa nasabing suboot assessment an malinaw na pagbabalo nganing pasupugon si US President Donald Trump, asin rauton an mga maiisog na piloto na nagsagibo nin misyon nganing rauton an nuclear program kan Iran.
Tinamaan kan US B-2 bombers an duwang Iranian nuclear sites gamit an GBU-57 bunker-buster bombs.
Inapod ni Trump an operasyon na “spectacular military success” asin sinabing naraot an nuclear sites kan Iran.
Sinabi man kan Iran kasuhapon na piggigibo na ninda an mga magkakanigong lakdang nganing masyerto na maipagpapadagos ninda an saindang nuclear program.
