LEGAZPI CITY — Warang dapat na ikahandal sa ngonian asin kaipuhan sanang magtenir na aware asin alerto sa mga pangyayari.
Ini an nagin reaksyon ni Regional Peace and Order Council chairman asin Legazpi City Mayor Noel Rosal katakod kan ipinaaram na impormasyon kan National Intelligence Coordinating Agency (NICA) katakod kan pigtutubudan na posibleng sabay-sabay na pagsakyada kan mga lokal na terorista sa mga key cities sa Pilipinas na itataon pa sa pagtatapos kan Ramadan sa Hunyo 30.
Dugang pa ni Rosal na kinakaipuhan ngonian mahigot na pagbabantay sa mga area of convergence asin koordinasyon sa mga kaduda-dudang tawo.
Inako man kaini na sa huring inatendiran na meeting kaibanan an iba pang RPOC chair naunambitan an nangyayaring massive recruitment kan mga terror group urog na sa mga eskwelahan kun kaya pinapangapodan kaini an pakikipagtabangan kan Department of Education asin pagbabantay kan mga magurang.
Dakol man suboot an dapat na idugang sa mga ekipahe tangarig na masierto na dae malulusutan kan mga tawong igwang darang maraot na intensyon.
