LEGAZPI CITY-Naarestar an No. 9 regional most wanted sa rehiyon kan Bicol sa Magallanes Sorsogon.
Segun kay Sorsogon Public Information Officer Police Major Arwin Destacamento, sa intrevista kan Bombo Radyo Legazpi, binisto an suspek bilang si alays ‘dol’ sarong konduktor kan bus asin residente kan Polangui Albay.
Naarestar an suspek huli sa isinagibong operasyon kan Magallanes Municipal Police Station asin sa ipinaluwas na warrant of arrest kan korte.
Mahahampang sa kaso an suspek sa pagbayolar sa Comprehensive Dangerous Drugs Act of 2002, sa section 5, 11 asin 12.
Sa presente, nasa kostudiya na kan Magallanes Municipal Police Station an suspek asin pigpaplanuhan pa kung mailipat sa Polangui Municipal Police Station.
Mensahe man kan opisyal sa publiko na ibitaran an siring kaining gibuhon, asin dai magduwang isip na magpasiring sa saindang mga himpilan mapadapit sa imbuelto sa iligal na droga.
