Hale sa blue alert, ibinandera sa red alert status kan National Disaster Risk Reduction and Management Council (NDRRMC) an saindang Operations Center huli sa bagyong Tino.
Kasunod kaini, naka-duty na sa NDRRM Operations Center an mga personahes hale sa Armed Forces of the Philippines, Bureau of Fire Protection, Philippine National Police asin PAGASA para sa 24-oras na pagbabantay asin koordinasyon.
Pigpa-asigurar man sa mga regional Disaster Risk Reduction and Management Council an padagos na monitoring, paghahanda asin pagsusumiter kan report sa NDRRMC.
Inabisuhan an publiko na magtenir na alert asin magdangog sa mga abiso kan lokal na gobierno.
Piglalaomang aagihan kan bagyong Tino an CARAGA o Eastern Visayas, Eastern Samar, Dinagat Islands, Siargao asin Bucas Grande Islands of Surigao del Norte, siring man sa Negros Island Region.
Patanid pa kan state weather bureau na makusog an nasabing bagyo na dara an dakol na pag-uuran asin makusog na paros na pwedesir mag-abot sagkod signal number 4 kaya pigpapa-ingat an mga lugar na pwedesir tamaan kaini.
