LEGAZPI CITY-Nakahanda na an National Capital Region Police Office (NCRPO) para sa isasagibong Trillion Peso March sa Nobyembre 30 ngani maibitaran suboot an dahas na nangyari Setyembre 21 rally sa Maynila.
Sinabi ni Police Major Hazel Asilo, chief kan NCRPO Public Information Office, na mas pinahigot ninda an monitoring sa social media huli sa nanotaran ninda na digdi pig-eenganyar an mga jovenes na makisaro sa mga protesta.
Magigirumduman na kan Setyembre 21, nagabot sa 216 katawo an naarestar kairiba na an 89 na menor de edad, makalihis maglala an dahas sa protesta laban sa suboot mga anomalya sa flood control projects kan gobierno.
An Trillion Peso March sa Nobyembre 30 an pig-oorganisa kan nagkapirang sektor na may obhetong mangapudan nin tulos na paninimbagan, pagbabalik sa mga hinabon na pondo sa publiko, asin an pagkakaigwa nin transparency sa gobierno.
