LEGAZPI CITY – Pigheras kan National Historical Commission of the Philippines an importansya asin rason kun ngata pigseselebrar ngonian na aldaw an National Flag Day.
Segun ki National Historical Commission of the Philippines Historical Sites Researcher Eufemio Agbayani III sa intrevista kan Bombo Radyo Legazpi na kapareho ini kan simbang gabi tuyong kapaskuhan kun sain dapat nakasabit ini sa mga eskwelahan asin pampublikong ofisina sa nacion hasta sa aldaw kan kalayaan.
Dae suboot pinili an Mayo 28 nganing iselebrar ini kundi ini an mismong aldaw kan taong 1898 kan enot na iwinagayway an watawat kan Pilipinas makalihis an matrayumpong laban kan mga Pilipinong rebolusyonaryo kontra sa puwersa kan mga Espanyol sa Labanan sa Alapan, Cavite.
Pigkokomemorar an National Flag Day nganing iselebrar an trayumpo kan pagkakaguno kan satuyang kalayaan.
Pigtaram pa kaini na sa paagi man kan pagluwas kan watawat kan pilipinas an nagpapahiling man kan satuyang patriotism asin bilang simbolo kan satuyang pagka-pilipino.
Kapansin-pansin man na dawa sain suboot na trayumpo, kadifisilan, angat asin huma sa nacion an nagtetenir na yaon an satuyang national flag na pigwawagayway.
May presenteng regulasyon mapadapit sa tamang pagkapot kan watawat, nganing mapangatamanan an kahulugan kaini laban sa mga mawot karawan asin abusuhon ini.
Pagirumdom ni Agbayani na maski anong angat asin problema an mag-abot sa saindang buhay, pilion permi an satuyang nacion huli ta arug kan satuyang mga bayani an makakamtan nyato an trayumpo asin pagpupunyagi.
