LEGAZPI CITY-Kinumpirmar kan National Bureau of Investigation (NBI) na pighihiling ninda ngonian an nagkapirang flood control projects sa Taguig City.
Segun sa Director kan Bureu na si Atty. Melvin Matibag,i na pig-iimbestigaran na ninda an bagay na ini.
Sinabi niya na kan 2022, si Senador Alan Peter Cayetano suboot igwa nin 11 proyekto sa ciudad na igwa suboot nin mga iregularidad.
Ini suboot konektado sa TOP 15 Contractors na nakakua nin flood control projects.
Depensa ni Matibag para sa mga nagkukuwestyon sa ‘timing’ kan imbestigasyon, nanindugan siya na sinabi na ini ni Sen. Panfilo ‘Ping’ Lacson.
Magigirumduman na pigbuyagyag kan senador an alegasyon makalihis na magdoble suboot an net worth ni Sen. Lacson.
Alagad pinahimutikan sana kan senador na an suboot mga ghost flood control projects sa ciudad kan Taguig asin inagyat ini na bako sanang tutukan an nasabing ciudad kundi imbestigaran man magin an iba pang mga proyekto sa nacion.
