LEGAZPI CITY-Ipinaluwas kan Korte Suprema ngonian na aldaw an resulta kan 2025 Bar Examinations kun sain nasa 5,594 sa 11,425 examinees an nakapasar, katumpad kan 48.96% passing rate.
Pinangenotan ni Associate Justice Amy Lazaro-Javier, Chairperson kan Bar Exams Committee, an pagbubukas kan mga resulta sa en banc session kan Supreme Court.
Isinagibo an eksaminasyon kan Setyembre 2025 sa manlain-lain na regional testing centers gamit an digital platform na Examplify, na obhetong gibuhon na mas accessible asin ligtas an proseso.
Ipigkokonsidera ining makasaysayan huli sa ini an may pinakahalangkaw na numero kan ng mga kandidato sa historya kan Bar, na nagabot sa labi 11,000 examinees.
Kasabay sa listahan kan mga nakapasar, ipinaluwas man an mga nairehistrong mga topnotchers asin top performing law schools.
An mga bagong abogado laoman na masairarom sa clearance process asin opisyal na panunumpa sa mga masunod na semana.
Mientrastanto, kabale sa top notchers bilang rank 16th sa nasabing exam si Mae Angela Damaso Locsin hale sa University of Santo Tomas Legazpi.
