LEGAZPI CITY-Uminabot na sa 539 na pamilya kan mga biktima suboot kan extrajudicial killings (EJK) an nag-apply bilang “participating victims” sa kaso laban kay dating Presidente Rodrigo Duterte sa International Criminal Court (ICC).
Obheto kaini na maipaabot an saindang opinyon sa proseso kan paglilitis.
Segun kay ICC Assistant to Counsel Atty. Maria Kristina Conti, dai kaipuhan na mag-testigo sa korte an mga ini huli ta hiwalay sinda sa mga testigong pipilion kan Prosecution asin Defense.
Sakop sana kan kaso an mga insidente poon Nobyembre 2011 hasta Marso 2019.
Dagdag pa ni Conti, posibleng magtao an ICC nin konsiderasyon kay Duterte, kaiba an partisipasyon sa pagdangog sa paagi kan video call.
Kun sain posibleng magpoon an paglilitis sa laog kan taon na ini.
Naenot naman na pinagtibay kan ICC an hurisdiksyon kaini asin kinumpirma an mga sakdal laban kay Duterte katakod kan crimes against humanity, kaiba an murder asin attempted murder, na suboot parte kan mahiwas asin sistematikong pag-atake laban sa mga sibilyan.
