LEGAZPI CITY-Preparado na an mga delegado hale sa probinsya kan Sorsogon para sa pinag-aantisiparang Palarong Bicol 2026 na isasagibo sa ciudad kan Legazpi.
Segun kay Sorsogon Provincial Government Spokesperson Dong Mendoza, sa intrevista kan Bombo Radyo Legazpi, na nakapag-send off na an saindang gobierno provincial asin DepEd para sa 461 na mga atleta na ma-compete sa Palarong Bicol ngonian na taon.
Pinangenotan ini kan Provincial Youth Development Officers, kun sain sinda an nag-distribwir nin unimporme asin P3,000 allowance para sa mga atleta.
Sinabi man ni Mendoza na sa paagi kaini, pigpapahiling an saindang presensya ngani matawanan nin halangkaw na moral an mga atleta.
Igwa man suboot na nakatagama na pondo para sa mga makakakuwa nin gold medal ngonian na taon.
Piglalaoman kan opisyal na malangkaw pa an saindang rank o overall standing kumparar kan nakalihis na taon kun sain nasa 5th place an saindang probinsya.
Mientrastanto, pigaabisuhan man an mga atleta na i-turn off an saindang mga cellphones ngani dai ma-distract enkaso magpadara nin alerts an NDRRMC mapadapit sa pag-alburuto kan Bulkang Mayon.
