Nagluwas sa datos kan Philippine Statistics Authority na nasa 405 kan 677 na mga indibidwal na nakaresibe kan confidential funds hali sa Office of Vice President asin Department of Education sa irarom kan liderato ni Vice President Sara Duterte an warang birth record.
Segun ki House good government and public accountability panel chairperson Rep. Joel Chua na an 677 na mga indibidwal na nakaresibe kan confidential funds an nakalaag sa mga acknowledgement receipts na isinumiter kan Department of Education sa Commission on Audit para sa liquidation.
Huli digdi, pigkokunsiderar na non-existent an labi sa 400 na mga persona huli sa kawaran nin birth certificate.
Marurumduman na enot ng sinabi kan Philippine Statistics Authority na si Mary Grace Piattos na saro sa mga nakaresibe kan confidential funds an warang birth, marriage, o death record sa saindang database.
Kinuwestyon man an mga acknowledgement receipts huli sa salang mga petsa asin mga non-legible signatories.
