LEGAZPI CITY- Balik na sa full operation an naraot na Doppler radar kan PAGASA sa banwaan kan Virac, Catanduanes ngonian na Abril makalihis na maraot sa pagtama kan Bagyong Nina kaitong 2016 siring man an building na kinatitindogan kaini.
An nasabing radar an nagsusukol sa volume na pwedesir na ibagsak kan pag-uran sa sarong partikular na lugar.
Ipigheras ni PAGASA Deputy Administrator for Operations and Services Dr. Landrico Dalida Jr. sa ekslusibong intrevista kan Bombo Radyo Legazpi na bilog na Marso pig-irahay an equipment kasabay kan asegurasyon na realtime images asin accurate data na giraray an mahihiling sa rain forecast.
Napag-araman na hale sa satellite kan Japan na may distansyang 36, 500-kilometers an pigbasehan kan sukol kaitong mga nakaaging bulan na harayo kun ikukumparar sa 2 to 3 kilometers distance sana kan radar.
Inasegurar pa ni Dalida na makakalaom an Philippine Institute of Volcanology and Seismology (PHIVOLCS) sa advance information katakod kan paghadit sa lahar flow sa matinding bulos kan uran.
