Sinabi ni Energy Secretary Sharon Garin na nagkapirang Philippine-flagged ships na an nakalaog sa Strait of Hormuz makalihis an kasunduan sa pagultangan kan Pilipinas asin Iran.
Sa sarong online press conference, sinabi kan opisyal na an mga barkong ini an dae pa nagdadara nin langis kundi ibang produkto siring kan petrochemicals.
Importante man suboot na malinaw an clearance bako sana para sa Philippine vessels, kundi para sa mga produktong pasiring sa nacion asin sa seguridad kan mga crew.
Bisto an Strait of Hormuz bilang makitid na dungan na nagkokonektar sa Persian Gulf asin Gulf of Oman pasiring sa Arabian Sea.
Antes an presenteng krisis, nag-aagi sa nasabing teritoryo an haros 20% kan suplay nin langis sa bilog na kinaban, magin kan iba pang importanteng mga kalakal.
Marurumduman na isinarado ini kan Iran kasunod kan pagsakyada kan Estados Unidos asin Israel.
Nagluwas man sa nagkapirang reports na rinibong Filipino seafarers man liwat an stranded sa Persian Gulf asin sa Strait, kun sain dae pa kaibanan an mga nagtatrabaho sa offshore facilities.
Sinabi man kan Department of Migrant Workers na pigigibo ninda an gabos ngani na matabangan an mga Filipino crewmembers na naapektaran kan kariribukan.
