LEGAZPI CITY—Naghagad nin dispensa sa publiko an nagkapirang opisyal makalihis makaresibe nin manlaen-laeng komento an nag-viral nindang ladawan kun saen pigkakarga sinda kan sarong grupo mantang nakatindog sa balsa durante kan opening parade kan Ibalong Festival 2025 sa Legazpi City.
Segun ki Ako Bicol Partylist Representative Atty. Alfredo Garbin Jr., sa intrevista kan Bombo Radyo Legazpi, dae ninda suboot aram na kakargahon sinda asin sinayumahan man ninda an offer kan grupo.
Kan hinapot ninda an organizer kaini kun kinakaipuhan an pagkarga, sinabi na kinakaipuhan suboot ining gibohon huli ta malinaw ining paglaladawan o parte kan istorya kan Ibalong Epic.
Segun man suboot sa nasabing grupo na boluntad ninda ining ginibo huli ta mawot nindang magpartisipar sa nasambitang aktibidad.
Segun pa ki Garbin na iyo man ini an paglaladawan kan istorya kan Ibalong Epic basado na man sa historians.
Dugang pa kaini na wara man na binayadan sa mga nagkargang indibidwal asin tinawan sana ini nin mga snacks asin tubig.
Mientrastanto, tinawan-duon man kan opisyal na wara man sinda nin ano man na maraot na intensyon sa nangyari.
