LEGAZPI CITY—Nagsisibalikan na sa pagpapasada an nagkapirang mga drivers makalihis an nanutarang pagbaba kan presyo kan langis sa nacion.
Segun ki PISTON President Mody Floranda, sa intrevista kan Bombo Radyo Legazpi, na mantang kulang man liwat an public transport alagad mas maray suboot ini kumpara kan dati na haros nagpipila nin halaba an mga commuter sa pagbiyahe.
Sa ibong kaini ipigdoon kan grupo na dapat man na magpadagos an pagbaba kan presyo kan langis.
Dugang ni Floranda na posible man sindang magkundusir nin protesta sa Mayo 18 nganing ibusol na aprubaran an saindang pangapudan kasabay kan magigin enot na hearing para sa dagdag-kita kan mga driver sa Land Transportation Franchising and Regulatory Board (LTFRB).
Sinabi man kaini na hasta sa ngunyann dakol pang mga drivers an dae nakakaresibe nin ayuda gikan sa gobierno.
Mientrastanto,padagos man an pangapudan kan PISTON na ibasura an oil deregulation law, pagtanggal nin excise tax asin VAT sa langis, asin ibalik sa P55 an presyo kan diesel asin gasolina; siring man na makisumaro sainda huli sa bako sana ini laban kan mga driver kundi kan namamanwaan.
