LEGAZPI CITY- Napano nin kaogmahan, pangadye asin pagsamba an pagtatapos kan sarong bulan na pag-aayuno kan Muslim community sa rehiyon durante kan Ramadan o an pig-aapod na Eid’l Fit’r.
Sa intrevista kan Bombo Radyo Legazpi ki Bicol Muslim community President Abdullah Borres, amay na pagkaaga kan magtiripon an grupo sa mosque tangarig na mag-atang nin pagpangadye ki Allah asin magdangog sa sermon kan mga imam.
Sinundan man ini kaunan asin pagkarigos sa swimming pools kan mga miembro tangarig na iselebrar an espesyal na aldaw na duwang beses sanang nangyayari sa laog kan sarong taon.
Sa ibong kaini, liwat na ipinagirumdom ni Borres sa mga katugangang Muslim an mayor na tema kan aldaw na iyo an pagsunod sa mga katuruan kan Islam asin ibitaran an paggibo kan mga liko o ipinagbabawal kan Q’ran.
