Suspendido na an lisensya kan online content creator na si Yanna Motovlog makalihis an kina-imbweltuhang road rage sa Zambales na nag viral online.
Segun sa Land Transportation Office (LTO), siya an pinagmulta nin P5,000 huli sa paggamit nin motorsiklong warang side mirror asin P2,000 para sa reckless driving.
Segun sa desisyon kan LTO, mantinidong suspendido an lisensya ni Yanna kun dae kaini i-susurrender an motorsiklong ginamit niya sa insidente, na kalaunan an saiyang pigtuga na bako niya pag-sasadiri.
Dae man suboot nagsunod si Motovlog sa mga kasuguan kan LTO, arug kan dae pag-atendir sa imbestigasyon asin dae pagsumite kan motorsiklo nganing inspeksyonon, kun kaya nagin rason ini kan kadugangang padusa asin suspension kan lisensya kan motorsiklo.
Pinagbawalan man ining magmaneho mantang suspendido an saiyang lisensya.
Magigirumdumang makalihis an insidente, naghagad nin dispensa si Yanna Motovlog sa driver kan pickup truck na nakasimbagan niya asin sa riding community.
Sa sarong follow-up video, nagduman siya asin an saiyang tugang sa lugar kan pigtatrabahuhan kan driver nganing maghagad nin dispensa nin personal, alagad dae ninda ini nahiling sa lugar.
Patanid kan LTO sa moto-vlogger na padagos ining madadakop kun mamaneho sa tinampo mantang suspended an saiyang lisensya.
, he was fined P5,000 for using a motorcycle without a side mirror and P2,000 for reckless driving.){kind=link}