LEGAZPI CITY — Padagos an information dissemination kan Land Transportation Office (LTO) Bicol dapit sa road safety bilang parte kan Road Safety Month.
Sa intrevista kan Bombo Radyo Legazpi ki LTO Bicol Assistant Regional Director Vincent Nato, nagkondusir nin aktibidad an ahensya kun sain highlight an importansya kan road safety asin road safety education.
Segun ki Nato, iprinesinta an tamang ekipahe sa pagsakay sa motorsiklo kasabay kan demonstrasyon sa tamang paagi kan paglunad sa motorsiklo kan parehong driver asin backrider.
Katakod kan Road Safety Month, naglilibot suboot an empleyado kan LTO tangarig mag-impormar sa mga driver kan tamang paggamit kan behikulo tangarig makaibitar sa road crash.
Ipigheras pa ni Nato na pag-abot kan bulan kan Setyembre, magkakaigwa na nin Motor Vehicle Inspection Center kun sain kun mahilingan suboot nin problema an vehikulo, dae na ini tutugutan na magdalagan pa sa tinampo.
Mientras tanto, may mga nakalinyada naman na aktibidad an ahensya sa Lunes sagkod Biernes para sa 107th LTO Foundation Anniversary Celebration.
