Nagsagibo na nin mock trial an House prosecution panel bilang paghahanda enkaso magpoon na an impeachment trial ni Vice President Sara Duterte.
Ini an kinumpirmar ni Representative Yzabel Maria Zamora kan San Juan asin miyembro kan 11-man House prosecution team.
Pigtaram ni Zamora, sa kada article of impeachment an magpi-prinsinta sinda nin mga testigo o di naman kaya an documentary evidence dawa ngani nagsayuma na siya na idetalye an saindang magiging presentasyon.
Wara man nahihiling na pangangaipuhan an House Prosecution panel na humampang sa paglilitis sinda Pangulong Bongbong Marcos, First Lady Liza Marcos asin House Speaker Martin Romualdez.
Ini an matapos banggiton ni VP sara an saindang mga pangaran asin pinagbantaan sa saindang seguridad.
Pigtaram ni Zamora an ebidensiya an nasa video kan mag-live kaidto an Bise Presidente asin tinutulan na ma-detain sa Kamara an saiyang Chief of Staff na si Atty. Zuleika Lopez.
Nagtutubod si Zamora na lalong nagkukusog an kaso kan prosecution laban sa Bise Presidente.
Ini an katakod kan naghahalabang listahan kan kuwestiyunableng mga pangaran na nakinabang sa confidential asin intelligence funds kan Bise Presidente.
