LEGAZPI CITY- Namamatian na kan mga parasisira an pagtumal kan bentahan nin mga sira sa Navotas huli sa huma kan oil spill sa lugar.
Segun kay Pambansang Lakas ng Kilusang Mamamalakaya ng Pilipinas President Pando Hicap sa intrevista kan bombo radyo Legazpi na namatian na kan mga parasisira an pagbaba nin presyo kan mga sira asin kulang naman an nagbabakal kaini huli sa suboot pagpensar na kontaminado nin oil spill an mga pigpapabakal na sira.
Pigkokompiskar pa suboot kan coastguard an mga nadadakop nindang mga sira huli sa dae ini na-inspeksyon.
Sa ngunian nababakal na sana an mga tahong kada tub sa 150 hasta 300 pesos kun dati an naipapabakal ini nin 1,200 pesos.
Segun pa sa opisyal na dawa pa nagdeklarar nin state of calamity sa Cavite an dae man liwat namamatian an asistensya gikan sa gobyerno.
Pangapudan kaini sa mga otoridad na dae tulos na kumpiskaron an mga nadadakop na sira kan mga fisherfolks huli ta dae man ini natatabangan kan gobyerno.
Kun babalikan, naglubog an industrial fuel tanker na MT Terra Nova sa Manila bay kan nakalihis na Hulyo 25 sa presenteng taon na nagkawsa nin mahewasan na oil spill.
