LEGAZPI CITY- Gadan an sarong motorista mantang tulo an irido makalihis na maimbwelto sa aksidente sa parte kan Pio Duran, Albay.
Sa intrevista kan Bombo Radyo Legazpi kay Pio Duran MDRRMO head Noel Ordoña, napag-araman na duwang estudyante na residente kan Barangay Cuyaoyao asin Barangay Agol an nagsapar nin lugad mantang an driver kaini na sarong 65- anyos an idineklarar na dead on arrival pag-abot sa hospital.
Mantang an sarong driver pa kan motorsiklo na dae pa mamidbidan an nagsapar man nin lugad sa saiyang lawas.
Dugang pa ni Ordoña masundo sana kuta sa saiyang apo an nagadan na driver asin mantang nagbabyahe na pauli an biglang nag-over take an motorsiklo kan dae pa mabidbidan na driver asin mahagip an motorsiklo na lunad an duwang estudyante.
Nagsapar nin malalang injury sa payo an driver na rason man kan saiyang pagkagadan.
Napag-araman na dae man helmet an mga biktima sa nangyaring aksidente.
Katakod kan insidente nagpagirumdom an opisyal na maglikay ngani na maibitaran an kaparehong mga aksidente.
