LEGAZPI CITY – Mga obrerong aldawan an sahod an pinakanaapektaran sa deklarasyon nin non-working holiday manungod kan pagdaraos kan ASEAN Summit 2026 sa Metro Manila.
Segun ki Wilson Fortaleza, Deputy Secretary-General kan Partido Manggagawa, sa intrevista kan Bombo Radio Legazpi, nawawaran nin ganansya an mga obrerong sakop kan no work, no pay policy sa kada aldaw na dai sinda nakakatrabaho.
Aniya, dai pareho sa mga empleyado kan gobyerno na bulanan an suweldo, an mga obrerong aldawan an bayad an direktang nawawaran nin panggastos sa pamilya.
Kinuwestiyon man niya an epekto kan suspensiyon kan trabaho asin klase, na para saiya, mas dakulang perwisyo an dara sa ordinaryong mga Pilipino kaysa sa mga delegado kan ASEAN Summit.
Tinawan-doon man ni Fortaleza an dakulang gastuson kan nacion sa pag-host kan summit na nagkakantidad nin P22.9 bilyon.
Giit niya, dapat na isaalang-alang kan gobyerno an epekto kan mga preparasyon sa summit sa kabuhayan kan mga obreo.











