LEGAZPI CITY – Pighayag kan Legazpi City Smoke Free Unit na may mga natatawan sinda nin citation ticket huli sa ilegal na paninigarilyo alagad pigpapasipara sana kan nagkapira.
Segun ki Legazpi City Smoke Free Unit Team Leader Jose Balbin sa intrevista kan Bombo Radyo Legazpi na basado sa pigpapaotob na ordinansa na kun dae na-settle kan sarong tawo sa laog nin 72 oras an saiyang bayolasyon an automatic na ninda ining isusumite sa City Legal Office nganing magibuhan nin complaint affidavit.
Pagkatapos suboot kan affidavit asin makompleto an magkakanigong papeles an idideretso na ninda ining isusumiter sa City Prosecutors Office.
Saro sa mga rason kun kaya pigpapasipara sana kan nagkapira an penalidad huli ta nag-aabot sana sa P1,000 hasta sa P2,000 an multa sa sarong indibidwal asin P2,000 hasta P5,000 an para man sa establisyento.
Pigtaram pa kan opisyal na sa mga nakaaging mga aldaw an igwa na sindang 10 nasunadan nin complaint na kompwesto nin mga indibidwal, establisyemento asin tobacco industry na pigpasipara suboot an saindang bayolasyon.
Alagad dae suboot malikayan an mga pasaway na nagpapabakal nin tobacco products maski warang permit asin pagsisisgarilyo sa mga ipinagbabawal nindang lugar
Mawot nindang ipahiling asin ipamantenir sa publiko an nagunong honra hale sa Department of Health mapadapit sa pagpapaotob nin anti smoking ordinance.
Kun si Balbin an hahaputon, mapagal asin magabat para sa sainda na magsunad nin kaso sa sarong tawo alagad piggigibo ninda ini huli sa ngaran kan saindang trabaho kun kaya magsunod na sana an gabos sa ordinansa nganing malikayan an pagkakaigwa nin bayolasyon pwedesir maghantong sa pagsusunad nin kaso.
