LEGAZPI CITY—Ipigkahandal kan nagkapirang nag-ebakwar na residentes kan Barangay Oro Site, Legazpi City, an pagkahawaan kan helang na trangkaso sa laog kan evacuation center sa Ibalon Central School.
Segun ki Brgy. Oro Site Barangay Health Worker Veronica Cielo, sa intrevista kan Bombo Radyo Legazpi, kaipuhan ngunyan kan mga kaakian kan saindang barangay nin bulong huli sa nakakahawaan suboot nin nin kalintura, abo asin sipon.
Dugang pa niya na may nagpapasiring na man suboot na doktor sa mga kaakian nganing i-check up an saindang namamatean.
Abiso man kan opisyal sa mga nag-ebakwar na kun nag-abot sinda nin malinig sa evacuation center an dapat na maghale man sinda nin malinig an lugar.
Sa presente, nasa labi 200 residentes an inebakwar na gikan sa saindang saindang barangay.
Afuera sa Barangay Oro Site, nag-ebakwar man sa nasabing eskwelahan an Barangay Dinagaan asin Barangay Bonot kan naunambitang ciudad.
