LEGAZPI CITY- Aakuon man giraray kan mga election officers kan Commission on Elections (COMELEC) Albay an mga isusumiter na certificate of candidacy kan mga personang nasa tahaw o ipig-iimbwelto sa kontrobersiya.
Segun ki COMELEC Albay Provincial Elections Supervisor Atty. Annie Fortes, wara pa man kayang nakakasakop na probisyon o guidelines na dae pwedeng mag-ako kan kandidatura sa mga nasa kaparehong sitwasyon.
Mayor na concern kan ahensya segun ki Fortes an iasegurar na naka-comply an mga ini sa mga pighahagad na rekisitos asin dokumentos.
Maikokonsiderar man na ‘added effort’ kun mag-aattach an mga ini nin papeles na magpapatotoo kan kakayanan para sa matanos asin malinig na pagsisirbe sa kagabsan.
Solamenteng pagirumdom kan opisyal na hilingon maray an sadiri kun kwalipikado sa mawot na dalaganan na posisyon.
