LEGAZPI CITY- Suportado kan Police Regional Office 5 kan Bicol region an pangapodan na mag-atras na sana sa paparaning barangay asin Sangguniang Kabataan (SK) elections an mga kakandidatong imbwleto sa droga sarong aldaw antes an opisyal na pagpupuon kan campaign period.
Ini makalihis na maaraman na buminadol na sa labi sa 500 incumbent officials asin aspirants an kaibanan sa drug watchlist kan PNP Bicol.
Sa ekslusibong intrevista kan Bombo Radyo Legazpi ki PS/Insp. Maria Luisa Calubaquib, mas marhay nang dae na magdagos pa sa pagdalagan an 584 na kandidato sa pagka-barangay chairman, barangay kagawad, SK chairman asin SK kagawad.
Dugang pa kan opisyal na ipigsasairarom na sa close monitoring kan kada provincial police offices an nasabing mga drug personalities.
Ipigduon pa kaini na pwede man na probaran kan mga ini sa mga botante kun bako na talaga imbwelto sa illegal drugs alagad aminadong dificil na mahale an pangaran sa isyu.
Magigirumduman na mismong si Sorsogon Police Provincial Office Director PS/Supt. Marlon Tejada an nagbuyagyag sa suway na intrevista na 100 sa mga madalagan na opisyal an nasa nasasakupang provincia.
