Kinumpirmar kan Philippine National Police na tulang kan mga tawo an mga nadukayang nakabugtak sa sako na itinapok Taal lake sa Talisay, Batangas.
Sinabi ni PNP Chief Gen. Nicolas Torre III, na ini an nagluwas sa inisyal na pagsisiyasat kan saindang mga eksperto sa PNP.
Sa kabilogang limang sako na narekober gikan sa Taal Lake an mahigpt nindang pigsusuri an mga ini.
Dinara na an mga ini sa forensic group ngani magsagibo nin cross-matching kan DNA samples sa mga nawawarang sabungero.
Sa presente igwang 12 pamilya kan nawawarang sabungero an nagtao na nin DNA samples ngani mai-crossmatch sa mga nadiskubreng tulang.
