Nagsagibo nin imbestigasyon an Department of Agriculture (DA) makalihis na makaresibi nin mga reklamo mapadapit sa presensya kan ‘bukbok’ sa bagas na ipigpapabakal sa mga Kadiwa store.
Sa Murphy Market sa Quezon City, ipinahiling kan sarong tindera an mga insektong nahiling sa saindang paninda.
Segun sa DA, an pagkakaigwa nin ‘bukbok’ an indikasyon na warang kemikal na piggagamit sa bagas, kun kaya ligtas pa man ining kaunon.
Siring man, pig-abisuhan kan ahensya an mga konsyumer na ibabad sa tubig an bagas bago lutuon nganing mahali an mga insekto.
Padagos suboot na pigmomonitor kan departamento an sitwasyon nganing masyerto an kalidad kan mga produktong ipigpapabakal sa mga tiendahan.
